اذا متزوجه نصيحه مني ادخلي _ والرجال ممنوع الدخول

سلام لاخواتي رواد المنتدى
جيابلكم اليوم نصائح مهمه لكل متزوجه حديثا او قديما<------------ لاعاد تكفى
عزيزتي القارئه اذا حبيتي انك تعيشين بسعاده وهنا تتبعي هذي النصايح وان شاءالله تكون على ذووووقكم
احـــــــــــــــــــم احــــــــــــــــم
اولا_اذا جاء زوجك من العمل وطبعا تعبان ووده يقيل(نومة بعد الغدا)شغلي الغساله وابدئي بغسل الملابس وياحبذا يكون باب الحمام مفتوح عشان يستمتع بسماع صوت الغساله

ثانيا_اذا رحتي عزيزتي القارئه معاه السوق وأصر انه يدخل محل معين أصري انتي ايضا على عدم الدخول تراه شايف وحده مزيونه دخلت المحل ووده هو وخشمه يتميلح قدامها

ثالثا_اذا تأخر في الليل عن الحضور في موعده بمجرد ان يفسخ ملابسه ويدخل الحمام شمشمي فانيلته
هي نفس الريحه حقته ولاتغيرت وشوفي معاك الثوب من جهة الياقه فيها روج ولا لأ ولاتنسي ايضا تاخذينلك نظره على الشماغ يمكن فيه شعره لاصقه هنا ولا هنا


رابعا_اذا حصلتيه منهمكا في مطالعة التلفزيون ولازم يكون مباراة بين الهلال والنصر حطيله طرطيعه ورا ظهره من حقت البزارين من بقايا عيد رمضان

خامسا_اذا كنتي تشتغلين وهو برضه يشتغل واثنينكم الصبح تروحون الدوام طبعا لازم يكون فيه شغاله خليه لين تجي الساعه تسع ونص واتصلي على البيت واكيد الشغاله بترد وانتي في نفس اللحظه اتصلي على جوال زوجك واذا سمعتي صووت جرس جواله في السماعه معناته اتركي الدوام وروحي للبيت وادعسي في بطنه ولاتنسين الشغاله بعد...

سادسا_حاولي انك تبرمجين الرسيفر حق القنوات الفضائيه بانك تلغين قنوات لبنان كلها وتحطين بدالها قنوات السودان,السعوديه,اليمن,الشارقه.
واذا أصر يتابع ما إلك الا هيفا خذي فيوز العداد الله لايهينك وارميه فوق سطح الجيران


سابعا_ اذا جاء وعادة يكون في الصيف وقلك عندي انتداب لتبوك او جيزان تراااه كذاب
وبيسافر كازبلانكا(المغرب) مع الشله حتى لو كان جواز سفره معاك بيطلع بدل فاقد<< هاذي قويه>>





ثامنا_ تحس انها طولت عليكم يعني من زمان مااااااااااااااااااااااااااااااااااااااااااااااااا ااااا
^ أحم أحم أحم ^
نرجع لمحور حديثنا .. اذا جاء في الليل ودخل ينام واعطاك أشكل(يعني اعطاك ظهره) قومي سيدتي ببخ الغرفه بالمبيد الحشري(بف باف او فليت) وقفلي الباب عليه وروحي كملي سهرتك قدام التلفزيون



تاسعا_ حاولي تقشيطه(جعله على الحديده) أول بأول ترى اذا كثرت الدراااهم بيتزوج عليك عشان كذا غثيه بالطلبات


عاشرا_اخوااااااااااااتي المتزوجات انا ماني مسؤول اذا طلقك زوجك
ولاتنسوني من ردودكم الحلوه


هاااااااااااااااااااااااااااااااااااااااا